قرأتها فبكت أمي !!

اشوف الكل يودعني ولكن بينهم تبقين
يا يمه امسحي دموعك عيونك لا تبكيها

يا يمه هذي القسمة وقدر قد عرفنا زين
ياخذ ارواح من حوله ويوديها لباريها

يا يمه اليوم انا راحل بلاها الدمع عالخدين
ترى روحي تودعني بحالك ذا تشديها

ابي يمه تضميني كما طفل على الإيدين
ابي فحضنك تخليني إلين الروح اخليها

وبوسة راس تكفيني ومسحة إيد عالهدبين
اغمض فيهم عيوني يا آخر وجه يضويها

يا يمه وش بقى ليا وانا عالموت لي شبرين
وروحي تغتسل مني ابي ببسمة تنشريها

وخلي عنك كل هالناس..عيونك ترتمي لا وين؟؟
تصرخي بينهم ياكيف روحي لي ترديها

علامك كل مايقولوا "خلاص هديه "ماترضين
ولا قالوا لك الرحمة بكيتي إلين قلتيها

وكتفي تهزه ايدينك بنبضات الأمل ترجين
عساها تنبض بقلبي وتحيي روح راعيها

خلاص اليوم ودعيني ومسحي دموع هذي العين
واذا غلطاتي في حقك كثيرة اليوم انسيها

يا يمه قولي لأخواني وصية حقهم بعدين
ترى رضاك يغنيهم عن الدنيا ومافيها

ووصيهم يطيعونك بقولة " ايه ..نعم..وانزين"
اقسم بهذي اللحظه حياتج صعب نوفيها

ابي بإيدك تغسليني ياجنة تحت هالرجلين
عسى بإيدينك اتطهر من ذنوب ومساويها

يا يمه الحين كفنيني وقبليني اذا تكفين
واذا فيني سقط دمعك لفيني ولفيها

اشوف الكل يودعني ولكن بينهم تبقين
يا يمه امسحي دموعك عيونك لا تبكيها

اتمنى ان تنال اعجابكم

عضو ذهبي الجنس : سجل في : 29/04/2009 المشاركات : 87

تسلمي خيتو
ادمعتي عيني
واحزنتي قلبي

الله يخلي لي امي
ولكم امهاتكم

شكرا جزيلا ولا تحرمينا جديدك

sosa alksh5a

يسلموووووووووووو خيتووو

من جد تحزن وتكسر الخاطر

ونتتظر جديدك

الله يحفظ امهاتنا وامهاتكم

ويخليهم لنا

يارب

فهم النور الذي ينور

دربنا وهم مايخلينا نتحمل الدنيا

بكل قساوتها

مهما كتبنا وقلنا لن نوفي حق امهاتنا

مشكووورة اختي

على الموضوع الرائع