حسافه يـوم حبيتـك وخليتـك أعــز إنسـان
حسـافه بقلبي ضميتك وتجازي الحب بالنكـران
قلت مجروح داويتك وشربتك وأنـا العطشــان
وسط هالروح داريتك وضميتك مـع الشريــــان
هديتك أغلا أشواقي وهديتني غـدر وأحــزان
طعنتني ألف خنجـر وكانـت لدغتـك ثعبـــان
حسافهـ ضاع تقديري معـاك مضيـع العنـوان
أحبك كلمهـ مابيها ولا أبـي شوقـك الولهـــان
خسرتني وأنا العاشق وكل بالهـوى خسـران
انا الجاني وأنا المجني وأنا اللي بعشرتك غلطان
نسيت إسمك على لساني ورب الكعبهـ والقـرآن
[center]